ᐃᒡᓗᓂᒃ ᐋᖅᑭᐅᒪᑎᑦᓯᓕᕆᔨ

Tiempo completo

  • Iqaluit · NU
  • Postulaciones hasta 16/2/2027
  • Publicada hace 4 días
Postularme en el sitio de la empresa

Verificada en la fuente hace 2 h

Con tu cuenta gratuita de Joonow, vas al sitio de la empresa y la vacante queda en tus postulaciones.

Ninguna empresa seria cobra cuotas, cursos, exámenes ni uniformes. ¿Te pareció raro?

Descripción del empleo

ᐃᖃᓗᖕᓂ ᓄᓇᓕᐸᐅᔭᒃᑯᑦ ᕿᓂᕐᒪᑕ ᐊᔪᙱᑦᑐᒥᒃ ᐱᓕᕆᖃᑦᑕᖅᓯᒪᓂᑰᔪᒥᒡᓗ ᐃᓄᖕᒥᒃ ᐃᓚᐅᓂᐊᖅᑐᒥᒃ ᐱᕈᖅᐸᓪᓕᐊᔪᓄᑦ ᐱᓕᕆᖃᑎᒌᓄᑦ ᓄᓇᓕᐸᐅᔭᕐᒧᓪᓗ ᐃᒡᓗᓂᒃ ᐋᖅᑭᐅᒪᑎᑦᓯᔨᒻᒪᕆᖕᒧᑦ.

ᑕᐃᒎᓯᐊ:                                               ᐃᒡᓗᓂᒃ ᐋᖅᑭᐅᒪᑎᑦᓯᓕᕆᔨ
ᐱᓕᕆᕝᕕᒃ:                                              ᓴᓇᔪᓕᕆᔨᒃᑯᑦ
ᖃᓄᐃᓕᖓᓂᖓ:                                    ᐅᓪᓗᓕᒫᖅ, ᐃᖅᑲᓇᐃᔮᖃᐃᓐᓇᕐᓂᖅ
ᑮᓇᐅᔾᔭᒃᓵᖅ:                                           $31.61 ᐃᑲᕐᕋᒧᑦ, 35−ᓄᑦ ᐃᑲᕐᕋᓄᑦ/ᐱᓇᓱᐊᕈᓯᕐᒥ
ᓅᓯᒪᔪᓄᑦ ᐃᑲᔫᑎᑦ:                                $20,907.43 ᐊᕐᕌᒍᒧᑦ
ᑲᑐᔾᔨᖃᑎᒌᓄᑦ ᖃᓄᐃᓕᖓᓂᖓ:         ᑲᑐᔾᔨᖃᑎᒌᓄᑦ ᐃᓚᒋᔭᐅᔪᖅ
ᐃᒡᓗᖃᖅᑎᑕᐅᓂᖅ:                               ᐃᖅᑲᓇᐃᔭᖅᑎᐅᓂᕐᒧᑦ ᐃᒡᓗᖃᖅᑎᑕᐅᓂᖅ ᒪᓂᒪᑎᑕᐅᙱᓚᖅ

ᐊᖓᔪᖅᑳᖃᕐᓗᓂ ᐃᒡᓗᕐᔪᐊᓄᑦ ᐊᐅᓚᑦᑎᔨᒥᑦ, ᐃᒡᓗᓂᒃ ᐋᖅᑭᐅᒪᑎᑦᓯᓕᕆᔨ ᐋᖅᑭᐅᒪᑎᑦᓯᖃᑦᑕᕐᓂᐊᖅᐳᖅ ᐋᖅᑭᐅᒪᑎᑦᓯᕆᕙᒡᓗᓂᓗ ᐱᔨᑦᑎᕋᐅᑎᓂᒃ ᐃᒡᓗᕐᔪᐊᓄᑦ ᓇᖕᒥᓂᕆᔭᐅᔪᓄᑦ ᐃᖃᓗᖕᓂ ᓄᓇᓕᐸᐅᔭᒃᑯᓐᓄᑦ, ᐃᓚᒋᔭᐅᓗᑎᒃ ᓯᐊᕐᕆᔮᕐᕖᑦ, ᓄᓇᓕᐸᐅᔭᒃᑯᑦ ᐱᙳᐊᕐᕕᖓ, ᐳᐃᔾᔪᕋᕐᕕᒃ, ᒪᒃᑯᒃᑐᒃᑯᕕᒃ, ᑰᓕᒡᕕᒃ, ᐊᐃᑉ ᐅᒃᐱᒃ ᐱᙳᐊᕐᕕᒃ, ᓄᓇᓯᐅᑎᖃᕐᕕᒃ, ᓄᓇᓕᐸᐅᔭᒃᑯᑦ ᐃᒡᓗᖁᑎᖏᑦ, ᖃᑦᑎᕆᕝᕕᒃ, ᓴᓇᔪᓕᕆᔨᒃᑯᑦ ᐃᒡᓗᖁᑎᖏᑦ, ᐊᓯᖏᓪᓗ ᓄᓇᓕᐸᐅᔭᒃᑯᑦ ᐃᒡᓗᖁᑎᖏᑦ ᐃᒡᓗᖁᑎᖏᓪᓘᓐᓃᑦ ᐊᔾᔨᒌᙱᑦᑐᓂ ᐃᓂᒋᔭᐅᔪᓂ. ᐱᓕᕆᐊᒃᓴᖏᑦ ᐃᓚᖃᖅᐳᑦ ᓴᓇᓂᕐᒥᒃ ᐊᑐᖅᑕᐅᔭᕆᐊᓕᖕᓂᒃ ᐱᖁᑎᓂᒃ ᓲᕐᓗ ᒪᔪᕋᐅᑎᓂᒃ, ᐱᑐᐃᓐᓇᐅᙱᑦᑐᓂᒃ ᐃᒡᓗᒥᐅᑕᓂᒃ, ᐊᓯᖏᓐᓂᒡᓗ ᐱᖁᑎᓂᒃ; ᓴᓇᕙᒡᓗᓂ ᑲᒪᒋᔭᖃᖅᐸᒡᓗᓂᓗ ᕿᔪᖕᓂᒃ ᓴᓇᓯᒪᔪᓂᒃ, ᖁᓕᕈᐊᓂᒃ, ᓇᑎᕐᓂᒃ, ᑭᐳᓂᒃ, ᐃᒃᓯᕙᐅᑕᓂᒃ, ᐊᔾᔨᑲᓴᖏᓐᓂᒡᓗ ᐱᖁᑎᓂᒃ; ᓄᑖᙳᕆᐊᖅᑎᑦᓯᕙᒡᓗᓂ ᑕᐃᒪᐃᑦᑕᕆᐊᖃᕌᖓᑦ; ᓴᓇᓂᕐᒥᑦ ᐊᒻᒪᓗ ᐃᓕᐅᖅᑲᐃᓂᕐᒥᑦ ᒪᒃᐱᖅᑕᖅᑐᓂᑦ, ᐅᖃᓕᒫᒐᖃᕐᕕᓐᓂᑦ, ᐊᒻᒪᓗ ᓂᐱᑦᑕᐅᑎᓂᑦ; ᐊᒻᒪ ᐃᒡᓗᒥᐅᑕᓂᒃ ᐋᖅᑭᒃᓱᐃᕙᒡᓗᓂ. ᐃᒡᓗᓂᒃ ᓱᕋᒃᓯᒪᔪᓕᕆᔨ ᐱᕙᒌᔭᐃᖃᑦᑕᕐᓂᐊᕆᕗᖅ, ᐊᒥᐊᕆᕙᒡᓗᓂ, ᐱᐅᓴᐃᕙᒡᓗᓂᓗ ᐃᒡᓘᑉ ᐃᓗᐊᓂ ᓯᓚᑎᖏᓐᓂᒡᓗ ᑕᐃᒪᐃᑦᑕᕆᐊᖃᕌᒐᒥ, ᒥᑭᑦᑐᓂᒃ ᐃᒡᓗᓕᐅᖅᐸᒡᓗᓂ ᐱᓕᕆᕙᒡᓗᓂ, ᐊᓯᖏᓐᓂᒡᓗ ᐊᒃᑐᐊᓂᓕᖕᓂᒃ ᐱᓕᕆᐊᒃᓴᓂᒃ ᑲᒪᒋᔭᖃᖅᐸᒡᓗᓂ, ᐃᓚᒋᔭᐅᓗᑎᒃ ᐱᕐᔪᐊᖑᙱᑦᑐᑦ ᐱᓕᕆᐊᒃᓴᑦ ᐊᓯᖏᓐᓂᒃ ᓴᓇᔪᓕᕆᓂᕐᒥᒃ ᓇᓗᓇᐃᒃᑯᑕᖅᑖᕆᐊᖃᙱᑦᑐᓂᒃ ᐃᓄᖕᒧᓪᓗ ᐊᔪᙱᓐᓂᕆᔭᐅᔪᓂᒃ. ᐊᒻᒪᓗᒃᑲᓐᓂᖅᑕᐅᖅ, ᑖᓐᓇ ᐃᖅᑲᓇᐃᔮᖅ ᐃᓚᖃᖅᐸᒃᐳᖅ ᐊᐅᓚᑦᓯᓂᕐᒥᒃ ᑲᒪᒋᔭᖃᕐᓂᕐᒥᒡᓗ ᕿᔪᓕᕆᓂᕐᒧᑦ ᓴᓇᕐᕈᑎᓂᒃ ᐱᖁᑎᓂᒡᓗ.
ᐊᔪᙱᑕᕆᐊᖃᕐᒥᔭᖏᑦ:
  • ᖁᕝᕙᓯᖕᓂᓕᖕᒥᑦ 12-ᒥᑦ ᐃᓱᓕᑦᓯᓯᒪᓗᓂ ᐊᔾᔨᐸᓗᐊᓂᒡᓘᓐᓃᑦ; ᓴᓇᔨᒻᒪᕆᒃ ᕿᔪᓕᕆᔨ ᐱᔪᒥᒋᔭᐅᔪᖅ.
  • ᖃᐅᔨᒪᓂᖃᕐᓗᓂ ᐱᓕᕆᖃᑦᑕᖅᓯᒪᓂᑰᓗᓂᓗ ᕿᔪᓕᕆᓂᕐᒥᒃ, ᐃᒡᓗᕐᔪᐊᓂᒃ ᑲᒪᒋᔭᖃᖅᐸᖕᓂᕐᒥᒃ, ᒥᑭᑦᑐᓂᒡᓗ ᓱᕋᒃᓯᒪᔪᓕᕆᕙᖕᓂᕐᒥᒃ.
  • ᖃᐅᔨᒪᓂᖃᕐᓗᓂ ᐱᓕᕆᖃᑦᑕᖅᓯᒪᓂᑰᓗᓂᓗ ᐊᑦᑕᕐᓇᙱᑦᑐᒃᑯᑦ ᐊᑐᕐᓂᕐᒥᒃ ᐊᒡᒐᓂᒃ ᑲᑉᐳᔾᔭᖅᑐᒨᖅᑐᓂᒡᓗ ᓴᓇᕐᕈᑎᓂᒃ.
  • ᖃᐅᔨᒪᓗᓂ ᐃᖅᑲᓇᐃᔭᕐᕕᖕᒥ ᐊᑦᑕᕐᓇᖅᑕᐃᓕᒪᓂᕐᒥᒃ ᐊᒻᒪ ᐊᑦᑕᕐᓇᙱᑦᑐᒃᑯᑦ ᑭᕕᒃᓯᔪᓐᓇᕐᓂᕐᒥᒃ ᐊᒻᒪ ᑲᒪᒋᔭᖃᕈᓐᓇᕐᓂᕐᒥᒃ.
  • ᐊᔪᙱᓐᓂᖃᕐᓗᓂ ᐊᐅᓚᑦᑎᔪᓐᓇᕐᓂᕐᒥᒃ ᐱᔭᐅᔭᕆᐊᓕᖕᓂᒃ ᐱᖁᑎᓂᒃ ᐊᑦᑕᕐᓇᙱᑦᑐᒃᑯᑦ ᑲᒪᒋᔭᖃᑦᓯᐊᕐᓂᕐᒥᒡᓗ.
  • ᐊᔪᙱᓪᓗᓂ ᐃᑲᔪᖅᑕᐅᔭᕆᐊᓕᖕᓂᒃ ᐱᔨᑦᑎᕋᕐᓂᕐᒥᒃ ᐊᒻᒪ ᑭᒃᑯᑐᐃᓐᓇᓂᒃ ᐱᓕᕆᖃᑎᖃᕈᓐᓇᕐᓂᕐᒥᒃ.
  • ᐱᕕᒃᓴᒥᒃ ᐊᐅᓚᑦᑎᔪᓐᓇᑦᓯᐊᕐᓗᓂ ᐊᑕᐅᓯᐅᙱᑦᑐᒥᒃ ᐱᓕᕆᐊᖃᕈᓐᓇᕐᓗᓂ ᐊᒻᒪ ᓯᕗᓪᓕᐅᑎᔭᕆᐊᓕᖕᓂᒃ.
  • ᐋᓐᓂᖅᑐᓕᕆᓂᕐᒧᑦ ᐊᓂᖅᓵᖅᑎᑦᓯᓇᓱᐊᒍᓐᓇᕐᓂᕐᒧᓪᓗ ᓇᓗᓇᐃᒃᑯᑕᖃᕐᓗᓂ.
  • ᓈᓴᐅᓯᕆᔪᓐᓇᑦᓯᐊᕐᓗᓂ ᖃᐅᔨᓴᕈᓐᓇᑦᓯᐊᕐᓗᓂᓗ.
  • ᐊᖁᑦᑐᓐᓇᐅᑎᖃᕆᐊᓕᒃ ᓈᓴᐅᑎᓕᖕᒥᑦ 5−ᒥᑦ.
ᐱᔪᒥᓇᓛᖑᓇᔭᖅᑐᖅ ᑕᑎᒋᔭᐅᔪᓐᓇᕆᐊᓕᒃ ᑭᖑᕙᖅᐸᙱᓪᓗᓂᓗ, ᐃᓄᑑᓗᓂ ᐃᖅᑲᓇᐃᔭᕈᓐᓇᕐᓗᓂ ᐅᕝᕙᓘᓐᓃᑦ ᐱᓕᕆᖃᑎᒌᒃᑐᓄᑦ, ᐊᒻᒪ ᓯᓚᒥ ᓂᒡᓚᓱᒃᑐᐊᓗᖕᒥ ᐃᖅᑲᓇᐃᔭᕈᓐᓇᕐᓗᓂ. ᒪᓕᒍᓐᓇᕆᐊᖃᖅᐳᑦ ᖃᓄᐃᓕᐅᖁᔭᐅᔪᓂᒃ, ᐱᓕᕆᐊᒃᓴᓂᒃ ᑲᔪᓯᑎᑦᓯᔪᓐᓇᕐᓗᑎᒃ ᐊᑦᑕᕐᓇᙱᑦᑐᒃᑯᑦ ᑲᔪᓯᓂᖃᑦᓯᐊᖅᑐᒃᑯᓪᓗ, ᐃᖅᑲᓇᐃᔭᕈᓐᓇᕐᓗᑎᒡᓗ ᐱᕕᒃᓴᒥᒃ ᐊᒃᓱᕈᕐᓇᖅᓯᔪᓂᒃ.
ᐊᑭᓕᖅᓱᖅᑕᐅᔾᔪᑎᖓ ᑖᔅᓱᒧᖓ ᐃᖅᑲᓇᐃᔮᒧᑦ ᒪᓕᖕᓂᐊᖅᐳᖅ ᐊᔪᙱᓐᓂᕆᔭᕐᓄᑦ ᐱᓕᕆᖃᑦᑕᖅᓯᒪᔭᕐᓄᓪᓗ. ᐊᒻᒪᓗᒃᑲᓐᓂᖅᑕᐅᖅ, ᐃᖃᓗᖕᓂ ᓄᓇᓕᐸᐅᔭᒃᑯᑦ ᒪᓂᒪᑎᑦᓯᕙᒃᐳᑦ ᐱᐅᔪᒻᒪᕆᖕᓂᒃ ᐱᕚᓪᓕᕈᑕᐅᕙᒃᑐᓂᒃ ᑲᑎᖅᓱᖅᓯᒪᔪᓂᒃ.ᐃᓕᓐᓂᐊᖅᓯᒪᓂᖓ, ᖃᐅᔨᒪᓂᖓ, ᐱᓕᕆᔪᓐᓇᕐᓂᖓ ᐊᒻᒪ ᐊᔪᖏᓐᓂᖓ ᑲᑎᓪᓗᒋᑦ ᐃᓕᓐᓂᐊᓪᓚᕆᒃᓯᒪᔪᑐᑦ ᐊᒻᒪ ᐃᖅᑲᓇᐃᔭᓚᐅᖅᓯᒪᓂᖓ ᐃᓱᒪᒋᔭᐅᑐᐃᓐᓇᕆᐊᓕᒃ.
ᐃᓘᓐᓇᑎᒃ ᐊᒃᑐᐊᓂᓖᑦ ᓇᓗᓇᐃᒃᑯᑕᐃᑦ ᐱᑎᑕᐅᔭᕆᐊᖃᖅᐳᑦ ᐱᓇᔪᒃᑎᓪᓗᒋᑦ. ᑲᔪᓯᓂᖃᑦᓯᐊᖅᑐᖅ ᐱᓇᔪᒃᓯᒪᔪᖅ ᑐᓂᓯᔭᕆᐊᖃᕐᓂᐊᖅᐳᖅ ᐱᕋᔭᖕᓂᑰᙱᒃᑲᓗᐊᕐᒪᖔᑦ ᖃᐅᔨᓴᖅᑕᐅᔾᔪᑎᒥᒃ ᓈᒻᒪᒋᔭᐅᔪᒥᒡᓗ ᐊᖁᑦᑐᓐᓇᕐᓂᕐᒧᑦ ᑎᑎᕋᖅᓯᒪᔪᓂᒃ.
      ᐃᖃᓗᖕᓂ ᓄᓇᓕᐸᐅᔭᒃᑯᑦ ᐃᑲᔪᖅᑐᐃᕗᑦ ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᖃᑎᒌᒍᑎᐅᑉ ᐱᔾᔪᑎᒋᔭᖓᓂᒃ ᐊᒻᒪ ᑐᙵᕕᖏᓐᓂᒃ. ᓄᓇᕗᒻᒥᐅᑦ ᐃᓄᐃᑦ ᓯᕗᓪᓕᖅᐸᐅᔾᔭᐅᓂᐊᖅᑐᑦ; ᐆᒃᑐᖅᑐᑦ ᓇᓗᓇᐃᖅᓯᑦᓯᐊᕆᐊᓖᑦ ᐃᓚᐅᔪᓐᓇᕐᓂᕐᒥᓂᒃ ᐃᓱᒪᒋᔭᐅᓂᐊᕐᓗᑎᒃ ᑖᔅᓱᒪ ᐊᖏᕈᑎᐅᑉ ᐊᑖᒍᑦ.
     ᓂᕈᐊᖅᑕᐅᔪᑐᐊᑦ ᐊᐱᖅᓱᖅᑕᐅᔪᒪᓗᑎᒃ ᖃᐅᔨᒋᐊᕐᕕᐅᔪᑑᓂᐊᖅᑐᑦ.

Análisis de Joonow

Cifras de Joonow sobre este empleo, calculadas con los empleos abiertos el 21 de noviembre de 2026.

Ritmo de la empresa

City of Iqaluit tiene 30 empleos abiertos en Joonow. 5 de ellos se publicaron en los últimos 7 días.

Ver los 30 empleos de City of Iqaluit

Prepárate para esta vacante

Postularme